Mike Lindell

Michael J. Lindell dit Mike ma cgnusû anc c'n al scutmàj ad My Pillow Guy (Mankato, 28 ad Śugn dal 1961, a s lèś [maɪk lɪnˈdɛl] in ingléś) 'l è 'n imprendidōr, ativìsta pulìtic, prudutōr ad film e teòric dla cuspirasiòṅ americàṅ.

Al gh'à na fàbrica ch'la fà di cusèṅ, linsōi, frudéti e savàti da lèt. 'L à prumòs la leandrìna, sustànsa tòsica ch'la s cata in dla piànta dal leàndar, par cumbàt'r al COVID-19.

'L à vins un Razzie Awards in dal 2021 par la sò part in dal ducumentàri Absolute Proof, pelìcula in du a s diś ch'i cinéś i aṅ fat 'n atàc infurmàtic p'r arbaltàr 'l èśit di Elesiòṅ presidensiàli americàni dal 2020 in dua Joe Biden 'l iva batû Donald Trump. Mike, da sèmpar 'n sò sustenidōr da quànd al 'l à incuntrâ in d'l Agóst dal 2016, 'l à mis a sò dispuśisiòṅ al sò social media Frank e 'n muć ad bèsi par jutàr-'l a scanślàr cla vìnsida di demucràtic lè.

Cristiàṅ evangèlic, da śōvan 'l éra 'n cunsumadōr ad cucaìna e 'd crack in di an Nuànta. Al s è spuśâ tri vòlti.

• (EN) Al sò sit ufisiàł
• (EN) Filmugrafìa su 'l IMDb

• Wikiquote contiene citazioni di o su Mike Lindell
• Wikimedia Commons contiene file multimediali su Mike Lindell